المصري الاصيل هو اللي:

بسم الله الرحمن الرحيم
دا اول مشاركة ليا فى المنتدى العظيم ودا شرف ليا انكم تقروا
اول مشاركاتى.

المصري الاصيل هو اللي:
لو عمل حاجة حلوة يبعت طبق لجاره يدوق

وهواللي:
لو لقى الدنيا بتشتي يجري يخبط عليك
ويقولك لم الغسيل

وهو اللي:
لو شم عندك حاجة بتتحرق يجري يطمن
عليك لتكون اتخنقت

وهواللي:
لو سمع صوت زعيق وخناقة عندكو يجي ويقول
يا جماعة صلو على النبي

وهواللي:
لو لقى خناقة في الشارع يتفرج ويقول هما
دلوقتي هيتصلحو

وهواللي:
لو اتفرط منك كيس جوافة في الشارع يقف يلم معاك

وهواللي:
لو حس انك مزنوق(في الفلوس)يعملك جمعية
مخصوص ويقبضك الاول

وهواللي:
يقف معاك في الاحزان والافراح زي ميكون
من بقية اهلك

وهو اللي:
لو لقاك في مواصلة و كان عارفك يحلف ميت يمين
ليدفعلك الأجرة
حتى لو مافيش في جيبه غير نص جنيه

وهو اللي:يقسم بالله انك تيجي تفطر معاه في رمضان

وهواللي:يلملك من الركاب فلوس لو اتسرقت فلوسك


واخيرا المصري الاصيل هو اللي:
لما يشوف الموضوع ده هيرد عليه


عايزه اشوف كام مصري اصيل في المنتدى

[ندعوك للتسجيل في المنتدى أو التعريف بنفسك لمعاينة هذه الصورة]مشكووووووووووووووووووووووور