الحلقه التالته من يوميات عصفور ومستكة

الحلقه التالته
[ندعوك للتسجيل في المنتدى أو التعريف بنفسك لمعاينة هذه الصورة]
عصفور : ايه يا ماما انتي هتفضحيني ولا ايه كلي كلي الاكل يجنن تسلم ايدك يا خالتو.......... (بيلغوش طبعا)
والده مستكه: عملت ايه يا واد قولي يا أختي
مستكه: اه يا خالتو قولي قولي............. (عايزه تفرح فيه شويه)
والده عصفور: مش رجعلي من صلاه الجمعه حاافي وخد الشارع كله كده
مستكه: هههههههههههههههههه.......... (فرصه اضحك عليه شويه )
عصفور: بتضحكي علي ايه منه لله الحرامي اللي خد الجزمه خلاص يا ماما فضحتيني مبسوطه
والده مستكه: معلش يا حبيبي تعيش وتاخد غيرها
عصفور: خلاص مش واكل.............. (بعد ما مسح الاطباق كلها)
مستكه: لايا عمر دي مش اكلتك دي اكلت ميه هههههههههههههههه
عصفور: مااشي يا ندي مش هديكي سي دي الاغاني اللي انا عملتهولك
مستكه: بقي كده يا عمر خلاص بقي انا بهزر معاك.........(بإستعطاف عشان هتموت وتعرف ايه هي الاغاني اللي علي السي دي)
مستكه:خلاص مش عايزه حاجه منك............(بتتقل شويه)
والده عصفور: بطلوا تناقروا في بعض كده
عصفور :قومي قومي هاتيلي الحلو بسرعه
مستكه: حاااضر......... (وجري علي المطبخ تجيب الكيك بالشيكولاته اللي بيحبه وكانت فرحانه اوي ان هي اللي عملاه)
عصفور: تسلم ايدك يا خالتو على الكيك الجااامد ده........... (مستمتع جداا بالكيك)
والده مستكه: بس دي عمايل ندي يا عمر
عصفور: وانا بقول برضه دي شيكولاته دي ولا بتنجان بس ياله هاكله اهو وجع البطن ولا...........
مستكه: شايفه يا خالتوا ابنك بيقول ايه؟؟؟
والده عصفور: تسلم ايدك يا حبيبتي يجنن طالعه لامك بس يا واد يا عمر بطل غلاسه
عصفور: ماما ايدك على عشرين جنيه عشان صحابي مستنيني
مستكه : ايه ده انت هتمشي ........... (وهي زعلانه اووي)
عصفور: اه اشوفك بكره في المدرسه
مستكه: انا قولت انت هتزاكر معايا النهارده انت نسيت اننا في ثانويه عامه ولا ايه........(محاوله عشان يقعد)
عصفور: لامنستش بس زاكري انتي سلام يا خالتو
[ندعوك للتسجيل في المنتدى أو التعريف بنفسك لمعاينة هذه الصورة]
مستكه دخلت اوضتها لقت السي دي على مكتبها عمر سابه من وراها
حطته في الكمبيوتر وهي بتفكر في الاغاني اللي عمر حطهالها وكانت المفجاءه!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايديك يامان
هو ده الشغل

تسلم علي الموضوع الجميل
وبانتظار المزيد

على ايه يا بودى ده اقل واجب

تسلمى يا برنسيس ع المتابعة

انتظرونى فى الحلقة الرابعة

مشكورة كتير

بس انا نفسي اعرف السي دي ده ايه الاغاني اللي عليه؟

» يوميات عصفور ومستكة الحلقة الاولى
» الحلقة التانية من يوميات عصفور ومستكة
» ضيف الحلقه :: هند صبري
» حصرياً : الفيلم التونسي الفرنسي الممنوع من العرض عصفور السطح ( للكـبـار فـقـط )