قصه شوق

Heeheee قصصه شوق
((شــــــــــــــوق))
رجعت من المدرسه وماشفت إلا أبوي متلثم في الشماغ وحالته غريبه طالعت فيه بنظرات إستغراب!!! وقلبي يقول وش صاااار؟!!دخلت البيت ماشفت أحد لاإخواني الصغار ولاأمي.!!!بدا الوسواس يلمح لي!!دخل علي أبوي وعيونه مليانه دموع وقال لي:الأقداربيدالله وكلنا بنموت بكره وماأحد بيعيش.. أناصرخت لا مستحييييل وكنت في حلم لاني مصدقه الواقع ولاني مكذبته.. إحساس أي بنت حست إنها بدون أهل بس أب...
ا لفصل الأول:
بديت كأي يوم عادي صحيت الساعه خمسه الفجروصليت ثم لبست تنورة المدرسه..والقميص الأبيض إستشورت شعري وفكيته وحطيت كحل وروج وردي..وكانت امي مجهزه الفطور فأفطرت فطور ع السريع لأن الباص يجي بدري.::.أبوي متزوج ٢ أمي الثانيه..(أنا أكبر وحده من أمي في ثالث ثانوي "علمي"إسمي شوق تحتي لمى في ثاني متوسط تحتها خالد في سادس إبتدائي تحته ليان عمرها ٤سنوات ومن أبوي أكبرواحد عبدالله يدرس في كلية الأمير سلمان قسم طب أسنان)بيتنا عباره عن فلتين بينها باب جا الباص ولبست عبايتي بسرعه عشان مايروح المهم دخلت الباص سلمت...كانت بنت خالتي طيف موجوده(هي معي في نفس المدرسه وهي توأم روحي ماأخبي عليها شي في ثالث ثانوي علمي في نفس فصلي جالسه جنبي هي ونوف )وجلست في الأخير لأنه مكاني المخصص.::.نسيت أوصف شكلي.جسمي حلووزني ٥٨طولي ١٥٩ شعري قصير لحد أكتافي لونه أسود حلوه والحمدلله على كل حال).:.:.بدينانمربيت بيت وبنت بنت وناس أشكال وألوان.:.:.إلى ان وصلت المدرسه أنافي مدرسه خاصه...دخلت ومن النادر أجي في وقت الطابور دخلت الفصل وسلمت على البنات وسولفت مع هذي وضحكت مع هذي بس ياإني ضحكت ضحك هذاك اليوم أيقنت من بعدها من ضحك كثيرا بكى كثيرا .::. صفرت الفسحه نزلنا أناوطيف ونوف وشرينا فطور وأفطرنا فطوري عباره عن بيتزا وعصيربرتقال أوكروسان على حسب ماأشتهي.::.إنتهت الفسحه ورقينافوق وبدوا الإستاذات باالشرح وإستاذه داخله وإستاذه طالعه لإناعلمي لازم يعذبوناشوي.::.يوم جاوقت الخروج كل وحده تفكر وش أمهاسوت غدا اوبإختبارهابكره<<< لبنات العلمي بس لأن بنات الأدبي ساحبات سيفون.::.جلست مع طيف وسولفناشوي ثم نادى على الباص...في الباص فله وإستهبال خصوصا إذاتخانق السواق مع زوجته لدرجة إنا مره سجلنا أصواتهم وهم يتخانقون.::.جابيتي وسلمت على طيف ونزلت:::أبوي كان واقف على الباب شكله غريب متلثم بشماغه عيونه حمرا أنا سلمت عليه بس ماسألت وش فيه؟!!دخلت البيت غريبه هاالهدوء مو من عادتهم ناديت يمه يمه يمه ماأحد ردعلي ناديت لمى وخالد لأنهم غايبين اليوم لمى غايبه علشان مريولها إنقطع السحاب ولاودته امي للمشغل وخالد أبوي أمس شاريله وجبه ومن بعدها عوره بطنه!!!وناديت لياااان ماردت إستغربت!!!كنت أبرقى أبي أغيرملابسي (طبعا بيتنا دورين بدرج داخلي الدور اللي تحت مقسوم قسمين قسم إستقبال للرجال وقسم إستقبال للحريم قسم الرجال فيه مجلس كبيييرمره وفخم لونه بيج وأخضرغامق ودورات مياااه.::.وقسم إستقبال الحريم فيه مجلس كبير لونه بني فاتح مع بني غامق حلومره وفيه صاله والصاله مرتفعه شوي هذا فيهاكنب كلاسيكي لونه بنفسجي.::.ودورات مياه ومطبخ كبير..والقسم اللي فوق كله غرف نوم.::.)دخل علي أبوي ساكت سألته:يبه وش فيك؟!ووين امي وأخواني قال:شوق...الأقداربيدالله وإذامامتنااليوم بنموت بكره!!!أناصرخت لامستحيييل ليش يروحون يبه ليه؟!!طالع فيني أبوي وقال:أناالسبب أنااللي سمحتلهم ياليت رفضت ياليت آآآه وجلس يصيح وأنا أحس إني في حلم جلست أصفق نفسي علشان أصحى من الكابوس المزعج بس مافيه فايده لازم أصدق إن هذا الواقع وهذي الدنيا::::كمل أبوي وقال:إتصلت علي إمك الصباح وقالت لي إن جدتك تعبانه ودني لمها وبآخذ الأولاد وابنام عندهاكم يوم وإذاجت شوق جيبهالمي:::ثم قلت طيب أناوالسوااق بعييد في الدخل المحدود قالت خلاص طيب أبروح في تاكسي ووافقت وياليتني رفضت ياليت وياليت ماشريت لخالد وجبه وياليت وديت مريول لمى للمشغل بس وش إذافات الفوت ماينفع الصوت وراحوا وصارلهم حااادث في مخرج ٥ وكلهم ماتوا إلا السواق ماصارله شي وكله بأمرالله مانعترض:...:في هااللحظه جتني أسئله كثيره مالقيت لهاجواااب ولاأظن راح ألقى لهاجواب لإن خلااص وش يفيد؟!!
غريبه ياالسنين اللي كتبتي قصةالترحاال!!!
فرحت أمس وحزنت اليوم بس الخوف من بكره!!!
الفصل الثاني:
مرت على وفاة امي تقريبا شهر وحاولت أنسى ولكن ماقويت!!!
قويت ولاقوى النسيان..
ينسيني أعز إنسااان..
وفيني آآآه وش فيني؟!!
يمه فيني الحزن بركاااان!!!!!
جدتي ماخلتني هي ومرة أبوي (ساميه)كل يوم جايين لمي في البيت يجبروني على الأكل وانا أحاول آكل بس مالي خلق آكل وزني نزل صرت هيكل عظمي !!!!
يوم الجمعه كأي يوم حزين مثل الأيام اللي فاتت!!!!الهدوء عام على المكان أنامتعوده على الإزعاج من سواليف أمي ولمى إذاقالت لي مواقفهافي المدرسه وليان وهي تدخل علي وتقول:شوق أغني؟وأنا أخاصمها وأقول لها:إطلعي برا أبذاكر::وتقوم تصيح إنتي ماتحبييني وتطلع من الغرفه وأضحك عليها:::ومحاولة خالد بتأليف قصايد بس كلهافاشله ومع ذلك يحاول وأبوي يشجعه::
وينك ياخالد تشوف أختك وش تسوي الحيين؟!وينك يالمى أبي أسمع مواقفك؟!وينك ياليان أبسمع صوتك وإنتي تغنين؟!!والله ماأخاصمك بس إرجعي تكفيين إرجعي!!!يمه تعالي ابي اقول لك عن درجاتي كيف حلوه يمه أبي أقولك عن طموحي إذا تخرجت وأول راتب وين أصرفه وفي أيش؟!بس إرجعي تكفييين إرجعي أبيك محتاجتلك مررره....
الفصل الثالث:
إذارأيت دموعي وهي ضاحكه!!
فالدمع من زحمة الألم يبتسم!!
يوم السبت داومت وكان يوم مرره غييير قمت على صوت المنبه ودخلت دورة المياه ووضيت وصليت الفجرولبست تنورةالمدرسه والقميص الأبيض وربطت شعري بطريقه حلوه حطيت في عيوني كحل خفيف عشان مايبين التعب فيني وحطيت مرطب شفايف لأن شفايفي تقطعت من كثر ماأعض عليها.:.ركبت الباص وجلست عند طيف نزلت راسي لأني تذكرت أمي ونزلت دموعي وماأبي أبين لأحد.:::. كل بنت تدخل وتقول:شوق عظم الله أجرك أواللي ساكته وتطالعني بنظرات رحمه ودي أقولها أول مره تشوفين أحد ماتوا أهله....مدري حسيت بهااللحظه إني يتيمه بس مايهم!!!دخلت المدرسه وصديقاتي جو لمي يضموني وسلمواعلي!!!
مر شهروأنا على هاالحال من البيت للمدرسه ومن المدرسه للبيت شهر وأنا أحاول أنسى لكن صورتهم في بالي كل شي يذكرني فيهم:.::.:
الفصل الرابع:
يوم الخميس إتصلت علي جدتي تبيني أجي لمها.::.تجهزت ولبست تنوره فوشي قصيره على تيشيرت أصفر فيه كتابات فوشي مره أنيق..شعري إستشورته وخليته طايح على وجهي حطيت كحل وكثرته من الزوايا وماسكرا وبلاشر وردي وروج فوشي صارخ فمره طالع حلو:المهم دخل علي أبوي وأنا ماسكه جوالي كنت أبتصل عليه قال لي:وش ذا الحلاوه ياشوق قلت:عيونك الحلوه،،قال:مين بيجي لم جدتك؟!قلت:خالاتي وخوالي مسويين عشا:::قال:ليه؟!قلت:بس كذا بيجمعون شمل عائلة_________عشان يرصدونهافي شجرة العائله وضحك أبوي وضحكت وقال:جاهزه؟!قلت:إييه،،في السياره كنت أناوأبوي ساكتين كل واحد وخياله طبعا أناعيني على السيارات رايحه وجايه شوي وأحول وأشكال الناس وأبوي مدري وش يفكر فيه!!!!
في بيت جدتي:
دخلت البيت ورحبت فيني جدتي وسلمت على راسها ودخل أبوي وسلم على راسها وقالت:القهوه!!!قال أبوي:والله ماعليش أعذريني مشغول
بس وصلت شوق وبروح للشغل،،،قالت جدتي:خلاااص براحتك!!!وطلع أبوي ودخلت الغرفه اللي نحط أغراضنا دايم فيها أوبالأحرى غرفةخالتي نوره هذي في جده وتجي في الأجازات وتنام في هذي الغرفه وأغراضها دايم فيها!!!!
بعطيكم نبذه عن خوالي وخالاتي:[جدي متوفي
أكبرالأولاد(عبدالله)متزوج وله ولد إسمه وليد في ثالث ثانوي
واللي تحته خالتي(دلال متزوجه أكبرأولادها محمد دكتورجلديه ثم سلطان دكتورأسناان ثم مرام تدرس في جامعةالملك سعود ثم ناديه بعدفي الجامعه ثم آخرالعنقود طيف،،،واللي تحتها خالتي(نوره)تكلمت عنهاقبل شوي أكبرأولادها ياسر هذاأول سنه جامعه ثم ساره هذي مثل طيف بس أنا أحب طيف أكثر تدرس في ثاني ثانوي أدبي،،،واللي تحتهاأمي الله يرحمها،،،واللي تحتها خالتي (سلمى)لهابنت وحده إسمها لمارواللي تحتهاخالي(ماجد)وعنده ولديهبل إسمه أحمد خالي هذامره خفيف دم ومطوع بعد وهوالوحيد اللي أحب أسولف معاه،،،واللي تحته خالي(تركي)وهذاياالله فيلسوف زمانه
مومتزوج ويدرس في جامعةالملك عبدالعزيز إنتساب وموظف في نفس الوقت في شركه،،،واللي تحته خالي(سامي)وهوآخرالعنقود ويدرس في ثالث ثانوي علمي بس ياإنه داااج ومن تحت لتحت<<ياويلي منه!!!
هذي نبذه عن خوالي لوبأوصف زياده ماراح يكفي بخلص أوراق العالم وأناتوي ماخلصت!!!!]
المهم أناجالسه أتقهوى وجدتي طايحتلي (سين جيم)!!!دخل خالي ماجد والله كنت ابضمه من الفرحه لإنه قطع كلام جدتي مابغينا!!!
سلم علي وجلس قبالي وقال لي:والله طالعه بسم الله عليك قمر!!!قلت أناوبغرور ودلع :أكيييد إذاأناماني قمر مين القمر؟!إنت مثلا؟!
قال:ياعيني على الثقه بس!!صراحه مايمديني؟!!قلت:تبطي عظم ولاتصيرمثل جمالي!!قلتها وأناأغمز له**
قطع حوارنا صوت خالتي دلال وهي تقول:هلاوالله بشوق تومانورالبيت والله،،قلت:هلابك منوربأهله وبستها ودخلت طيف ومرام وناديه وبستهم!!!قمت أسولف معهم ودخلت خالتي سلمى ياحبني لها هذي هي الوحيده اللي أحب أسولف معها لأنها إنسانه تفهمني مره ودايم أستشيرها بأشياء تخصني المهم إجتمعواالعائله الكريمه المجلس إمتلا مره جا العشا وتعشينا وسهرنا فكان يوم مره حلو وأنا أغلب الوقت مومعهم أفكربأمي لو إنها موجوده بتطلع الجلسه أحسن!!!جاأبوي ورجعت للبيت أول مادخلت طبعا الشغالات في البيت المهم سمعت ضحك وقمت أدور عن المصدر لقيتهم أخواتنافي الله نظيره وآني في غرفة أمي الله يرحمها ومعاهم السواق دخلت عليهم وخاصمتهم خير وش تحسون فيه؟!إتصلت على أبوي وقلت له وجا أبوي وخاصمهم وقال:جهزوا أغراضكم بكره سفر المهم السواق وأبوي طلعوا أما الشغالات نظفوا غرفة أمي الله يرحمها وبخروها وطلعوا ينامون وأنا جلست على سرير أمي أبكي وأضم مخدتها إلين نمت بملابسي ماصحيت إللا الساعه٢الظهر قمت وطلعت من الغرفه ودخلت غرفتي وأخذت لي شاور ودلعت نفسي بلوشن بريحة الورد!!!وطلعت ولبست بيجاما لونهابنفسجي ورفعت شعري ذيل حصان وطلعت من الغرفه نزلت تحت وقفت بعيد عن الصاله بشوي شفت أبوي يتقهوى ويطالع الأخبار أنا دمعت عيني تذكرت أمي كانت تجلس مع أبوي ويسولفون وأبوي يسمع سوالف أمي وهومتحمس وأستغرب ليه أجل مشغل الأخبار؟!!!معقوله أبوي يتذكر هاالمواقف!!!قطع تفكيري صوت أبوي وهويصارخ شووووق!!!طالعت فيه بخووف وعيوني مليانه دموووع جيت لمه وقعدت أضمه وقلت:يبه أنا أبيهم محتاجتلهم ليه يروحوون وجلست أبكي!!أبوي ماعلق على كلامي!!!يوم قضيت بكي رفعت راسي من حضن أبوي وطالعت فيه عيونه حمرا بس مابكى إستغربت ليه؟!يمكن مايبيني أبكي زياده وقال وصوته يحزن:أدعيلهم!!وأنايمكن بكره ألحقهم وقلت:بعدعمرطويييل!إن شاء الله ليش تتمنى الموت؟!قال:لأني أبيهم!!!أنا سكت ماتكلمت!!طالعت فنجال أبوي لقيته مليان شكله ماأعجبته قهوة الشغاله وقلت علشان ألطف الجو:يبه؟؟قال:هلاآمري؟قلت:تبيني أصلح لك قهوه؟!قال:يالييت!!قلت:أبشر تامرأمروإبتسمت!!إبتسم أبوي وقمت وأخذت زمزميةالقهوه ورحت لم المطبخ ماامداني أدخل إللا الشغالات طابين في وجهي قلت:بسم الله الرحمن الرحيم وجع وش ذا؟! قالوا:قولي لبابا مافيه سفر إحنا يبغاشغل قلت:طيب ليه سوي كذا قالوا:إحنا مافيه سوي شي بس يجلس يسولف ويضحك بس!!والله آخرمره!!قلت:خلاص أناأشوف بابا،،،حراااام رحمتهم شوي ويصيحون!!!سويت قهوه وحطيته باالزمزميه وحطيت تمر ووديته لم أبوي،،،صبيت له فنجال ومديته له وأخذه وقلت:يبه بتسفرالشغالات والسواق قال:السواق سفرته الصباح مايحتاج سواق<<أبوي جايب السواق عشان يساعده بأشغاله إحنا مانستخدمه>> والشغالات لابخليهم لأن السواق أصلاموصاحي ومايصلي!!!قلت:أهاااا،،،وجلسنا نسولف إلين أذن العصر وقام أبوي يصلي،،،بعدماخلص زمزميةالقهوه!!!أنادخلت المطبخ أدور شي آكله لقيت الشغالات يسوون أندومي قلت لهم:بابا ماراح يسفركم!!قالوا:شكرا شوق؟؟قلت لنظيره:حطي لي أندومي بصحن وكولا وجيبيه لمي في الصاله!وأنتي ياآني رتبي الصاله وطلعت!!جلست في الصاله أخذت الريموت وقمت أقلب من قناه لقناه حطيت قناةmbc1 كان مسلسل لعنةإمرأه تعجبني شخصية زينب العسكري مره دورهاحلو ...جابت نظيره الإندومي وأكلت ثم رقيت فوق أصلي صليت وقريت وجهين من سورة البقره ثم رتبت دروسي وأخذت كتاب التوحيد عندي إختباربس درسين بس سهله مره ونزلت أذاكر إلين أذن صلاةالمغرب قضيت من المذاكره ورقيت وحطيت كتابي في الشنطه وصليت ثم فتحت اللاب فتحت المسن لقيت بنت خالتي نوره(ساره)فقعدت أدردش معها ولأني من جد مشتاقه لها حتى في أيام العزا ماجت بس خالتي لوحدها!!! أخوهاياسرهذايموت فيني ويعشق الأرض اللي أمشي عليها بس أنامسويتلي ثقيله وما أعطيه وجه المهم قالت لي ساره:شوق ترا ياسريسلم عليك!!ويقول إنك وحشتيه مره،،،قلت:الله يسلمه المهم أنتي أخبارالدراسه؟!قالت:أموت على اللي يصرفون!!!قلت:وش تبيني أقول مثلا إشتقت له!!!أناماأحب أكذب!!!قالت:زعل وراح!قلت:أجل هو كان عندك؟قالت:إييه قلت:باالعقل أحب واحد أعتبره مثل أخوي!!كيف تجي؟!فهميني؟قالت:على الأقل جاملي؟!قلت:ياسلاااام!!!تبيني أكذب بعدين يصدق وباالأخير راح ينصدم!!المهم غيري السالفه!!وش أخبارمحمد<هذامتعرفه عليه في المنتدى ويكلمون بعض من زماااان!!!قالت:تخيلي إكتشفت إنه يكلم وحده غيري وتخاصمنا على هاالموضوع بس رجعنا لبعض وتركهم علشاني!!!قلت:الله يعينك!!!وسولفنا إلين دخت واستأذنتها لأني أبناام وقفلت اللاب!!وطلعت من الغرفه أشوف الشغالات ناموا وإللا باقي؟!! لقيتهم في ساااابع نوومه إتصلت علي طيف<<مشتركه في دردشة الجوال ودايم تقول لي عنها تعرفت على واحد إسمه خالد شفتواشلون تعلقواببعض وعلاقتهم موشهرأوشهرين لهم سنه ونص من يوم كانت في أولى ثانوي الترم الثاني يعني فاهمته وفاهمها عمره٢١حلو شفت صورته في جوالها بس هي مادرت!!!يدرس في كليةالتقنيه قسم إنتاج كيمياء،،هي دايم تكلمه عندي تستغربون ليه ماصرت مثلهم بس بصراااحه مالقيت!!!!)قالت طيف:شوق جهزي؟!قلت:ليه؟!قالت:خالي تركي بيودينا أناوأنتي للمطعم!!قلت:وش عنده؟قالت:كذا يللابتروحيين؟!قلت:إييه بس أبلبس عبايتي!!!!رقيت بسرعه فوق أخذت عبايتي!!!ونزلت ولبست!!! عبايتي ع الكتف وسيعه مره مايبين جسمي فيها وطلعت أستناهم إلين وصلوا!! سيارةخالي تركي بي إم دبليو سوداوهو كان لابس بنطلون جينز أزرق وتيشيرت أصفرفيه كتابات إنجليزيه!!شكله خقاقي أناخقيت عليه وهوخالي يعني ماألوم البنات بس مشكلته مايعطي أحد وجه موأي شخص يدخل مزاجه مثلي تماما،،،وطيف لابسه عبايه على الكتف ومتلثمه،،
رحنالمطعم فرايديزفي التحليه!!
وطلبناعشا وجلسنا نسولف
تركي وطيف بس يتخاصمون حسيت إنهم أطفال!!!وأناأطالع وحاطه يدي على كتفي وأضحك عليهم،،،يوم قضينا حاسبناوطلعناأناتلثمت وشافتني طيف وقالت:شوق اللثمه عليك مره شي!!دايم تلثمي واناطالعت فيهابس مارديت!! في السياره ساكتين ونسمع أغنية طلال سلامه عاجبني!!!!
دخل مزاجي وعاجبني
من يوم شفته تملكني
حبيت روحه وحبيته
الله منه لايحرمني
حلاه شرقي على غربي
سبحان من خالقه ربي
الجويهدى ويتغير
لاصرت جنبه وهوجنبي
مودي توافق مع موده
حلوه حياتي بوجوده
يامروينهى على قلبي
مسموح يتجاوز حدوده
المهم وقفنافي الإشاره
كانت زحمه مره فيه حادث وموقفين السير تذكرت أمي ولمى وليان وخالد يوم صارلهم حادث؟!!!وش شعورهم يوم السواق كان بيصدم صرخوا ؟!أمي تذكرتني في هااللحظه!!!دمعت عيني ونزلت راسي تحت من عيوني مبين إني حزينه المهم لفيت على السياره اللي جنبنا وكان فيهاولد شاب حلومره يوم طالعته لف راسه كان يشوفني وأناأبكي أنا إنحرجت ونزلت راسي كان البلوتوث مفتوح(لأني أرسلت لتركي في المطعم صورته وهوصغيرلقيتهافي جوال جدتي)ونسيت أقفله المهم جاني إستلام رساله من واحد نكه tlaalالمهم إستقبلت وكانت ملاحظه مكتوب فيها شفت عيونك حزينه بس حبيت أعرف سرعيونك ممكن نتعرف؟! أرسلت تبي تتعرف؟ليه لا بس رقمي لا إن كان عندك إيميل عادي!!!أرسل شكرا ثم إيميله المهم أناودي أطالعه مره ثانيه بس عجزت كأني أعرفه من زماان عشان أستحي مدري حسيت بشعورغريب!!أرسلت لطيف رساله نصيه كتبت طالعي في الكابرس الرصاصي اللي جنبنا شوفيه يطالع؟؟طيف قرت الرساله والتفتت وارسلت لا يوم قالت لا لفيت وشفته ياربييي حلو مره مره هوماالتفت حسيت إنه تصنم المهم على الساعه١ وصلناللبيت نمت وصحيت الساعه ٥ الفجر قمت ودخلت دورةالمياه ووضيت وصليت ولبست التنورة والقميص الأبيض وفكيت شعري وحطيت كحل وروج لحمي وكان يوم عااادي بس أناأفكرفي الولد إسمه طلال عشان نكه!!كان لابس سكارف أسودوأبيض وشعره ناعم نظراته غريبه مره مافهمتها حنطي خشمه طويل حلوماشاءالله عليه!!أول مارجعت للبيت بدلت ملابسي ولبست بيجاما خضرا ونزلت تحت عشان الغدا كانوا مسويين صينية دجاج لذيذه مره وأخذت لي بصحن مع خبزوكولا ورقيت لغرفتي طبعا أناماوصفت لكم غرفتي لونها بنفسجي كلها إلاجدارواحد لونه أصفر سريري نفرونص مفرشي أصفر فيه خطوط بنفسجي والأباجورات صفرا وفيه أريكه بنفسجي المهم هذي غرفتي جلست في الأريكه وأخذت طاوله صغيره عشان أحط الغدا فيها وأخذت اللاب وفتحته وفتحت المسن وسويت آد لإيميله بعدين قمت أسولف مع وحده من البنات وبعد شوي إتصل المهم أستاذنت من البنت كنت ابرسل له إلا هوراسل لي هلاوالله كنت أستناك من أمس!!قلت أمس وصلت متأخرونمت عشان المدرسه قال تدرسين؟!قلت إيه في ثالث ثانوي علمي إسمي شوق،،قال عاشت الأسامي أناطلال انافي الجامعه ثاني سنه تخصصي كيمياء،،قلت:تشرفنا،،،
ثم سألني ليش كنتي تبكين؟!يقول أنا من الطفش أطالع في الناس اللي حولي لفت إنتباهي حزنك راقبتك شفت دمعتك نزلت إستغربت بس جاني فضوول كان ودي أعرف سردمعتك فيوم لفيتي وطالعتيني أنا أنحرجت فقلت أرسلك بلوتوث!!وقلت له السالفه كلها،،وقال:الله يرحمهم!!!
المهم إحنا على هاالحال بس في المسن أحس إني تعلقت فيه!!!
المهم في يوم طلب رقمي بعد ماقوت علاقتنا فعطيته!!!
صرت إذاقمت صبحت عليه وإذانمت نمت على صوته!!
الفصل الخامس:
في إجازة عيد الأضحى كنت نازله للسوق أناوساره وطيف باالتحديد الحياةمول..كنت لابسه جينزعلى هاينيك أسود!!وعبايةكتف وسيعه مره ومتلثمه وساره لابسه جينزأزرق على جاكيت وردي ومتلثمه!!
وطيف بنطلون أسود على هاينيك أحمر ومتلثمه كل وحده فينا أحلى من الثانيه تقضينا ورحنا للكوفي اللي تحت وطلبنا موكا وجلسنا في الطاولات بعد شوي دخل ولد معه بنت هذاالوجه موغريب علي!!قعدت أميزفيه إلين عرفته كان طلال وإستغربت من البنت اللي معه!!وقلت لساره وطيف شوفوا هذاطلال!!<<ساره تدري أما طيف ماقلت لها إنشغلت فتشوفون نظراتها إستغرااب!!وشافوه قالوا:واااو يهبل!!!قلت لهم ابتصل عليه وأشوفه!!إتصلت وسمعت رنة جوال من الطاوله اللي جنبنا وقلت:مراااحب قال:هلاوالله قلت:وينك؟!قال:في الحياة مول مودي أختي روان للسوق!!(روان في ثالث ثانوي علمي مومخطوبه دايم طلال يكلمني عنها ومايخبي عليهاشي أناماشفتهاولاهي شافتني)قلت:أهاااطيب تدري أناوين؟!قال:لاتقولين إنك هنا!!قلت:إييه!!قال:طيب وين مكانك باالظبط؟!قلت:قريب من عندك؟قال:شفتيني؟!قلت:إييه!!قال:شوق يللاقولي وينك الحين؟قلت:أنافي الطاوله اللي جنبك!!والحين بنقوم بنروح لإيتام!!قال:مين معك؟!قلت:ساره وطيف!!قال:يعني يمديني أمشي وراكم!!قلت:يللا أبقفل الحين!!!وقمنامن على الطاوله ومرينامن قدامه وساره شافته قالت:شوق الولد يوم شافك نزل راسه قلت:طيب!وش أسوي؟قالت:ياعيني على اللي يسوون نفسهم ثقل!!وطالعتها وابتسمت!!دخلنامحل إيتام إللا طلال وروان داخلين!!أناشفت قميص أحمرقصير للمتزوجات وأشرت عليه وقلت لطيف:تخيلي شكلك لابسته بيطلع عليك مره وااااو!!قالت:ليه مو أنتي؟!قلت:ياحبيبتي أنا إذا أبتقضى لزواجي مو أشتري من السعوديه أشتري من لندن باريس موهاالأشياء السخيفه وقمت أضحك بدلع بصوت واطي قال طلال:عساها دوووم<<أناقوموادوروني!!
اللي إستغربت منه كيف سمعني أتوقع إذنه معنا!!!
المهم رن جوالي وكانت نغمتي موت فيني لعبدالمجيدعبدالله
(موت فيني مثل ماأنافيك ميت..
وإعشقيني عشق أبدماله نهايه
يااللي من شفتك في عيني صرت هاالدنياوأهلها..
ماأبالغ ماأبالغ أنتي صرتي
الدنياكلها..)
كاان خالي سامي يقول:يللا إطلعوا ماصارت أنا أستناكم!!
قلت:طيب!!وقفلت وقلت لساره وطيف:يللاسامي يقوول إطلعوا!!!
وكنت أبطلع قال طلال:شوق بتطلعين؟!قلت:إييه!!وطلعنا وبعد شوي إللاوهو ورانا ثم قال:شوق أستني عندبوابه ٢ولاتروحين أبعطيك شي؟!قلت:طيب!!إتصلت على سامي وقلت له يستنى خمس دقايق بعدخمس دقايق إللاطلال جاي ومعه كيس أحمر كبيييير وأعطاني الكيس قلت:ليش عذبت نفسك!!قال:عادي كل شي يهون لعيونك!!!قلت:شكرا يللابااي،،،وطلعنا وكنا نمشي أناوساره وطيف ندور سيارة سامي!!جت من لمنا سياره سودا مره كشخه وفيها ثلاث أولاد!!ومشغلين أغنية إتهمني لسعود أبوسلطان!!!
(إتهمني في غلاته إتهمني
وقال إني ماأحبه وقال عني
وإني أبالغ في ودادي وإهواعندي شي عادي!!
الله يعلم إنه عندي أغلى مني خبروه وكلموه عقلوه وفهموه لايزيد أسباب تجريحي ووني وش أسوي في غيابه وش أسوي عكرحبيبي بظنونه صافي جوي وأناتوي باالهوامرتاح توي خبروه وكلموه عقلوه وفهموه لايزيد أسباب تجريحي ووني لويبيني أعتذرله لويبيني أنا أهدي له حياتي وماي عيني خايف إنه يصير عقبه شي فيني خبروه وكلموه بس عشاني إقنعوه)ورموا الرقم ومشوا الحمد لله ماشافنا خالي سامي عشان نروح فيها
في السياره!!ساكتيين!!مافيه أحد يتكلم!!
وصلني لبيتي ونزلت دخلت البيت شفت الشغالات نايمات!!!ورقيت فووق لغرفتي ونزلت عبايتي ورتبت أغراضي
ثم فتحت الهديه كان داخلها دب كبييييير!!!ماسك بإيده قلب أحمر مكتوب عليه(Iloveyou‏)
شلت الدب وحطيته بدولابي
غسلت وجهي وجففته ونمت!!!
صحيت الساعه٢الليل شفت الساعه إللاطلال متصل قال:هلاشوق وينك؟!خفت عليك!!قلت:لارجعت تعبانه ونمت على فكره شكرا على الهديه!!!
قال:العفوا!!!قلت:طلال شوف صحيني بعد ١٠دقايق!!!قال:طيب!!!نمت وماصحيت اللا الساعه١١الصباح على صوت الشغاله تصحيني!!قمت قلت لها:خيروش تبين؟!قالت:باابا يبي إنتي!!!قمت من على السرير وغسلت وجهي وجففته لبست جاكيت أحمرعلى برمودا أسود ونزلت شفت أبوي جالس في الصاله سلمت وبست راسه وقال:شوق إلبسي عبايتك
بوديك تشوفين الإستراحه اللي أستاجرناها تعرفين العيد بكره ولازم نشوفها!!
لبست عبايتي بسرعه وطلعت وكان الجو دافي موبرد وركبت السياره سيارته جيب شيروكي أبيض فخم مرره
سألني أبوي أفطرتي؟!قلت:لا
وقف عند مطعم وشرى كبده وعصير
وصلنا الإستراحه فكانت مره موحلوه وأنا مستانسه من إستراحه لإستراحه صح دخت بس عادي!!!
أنا ناسيه جوالي وهومن أمس كانت البطاريه ضعيفه وطفا الجوال من كثرماإتصل وطلال إنهبل يحسب صارفيني شي!!
المهم إخترنا إستراحه فكانت حلوه مره!!ورجعنا للبيت المغرب أول مادخلت شفت مرة أبوي ساميه طالعه سألتها وين بتروحيين؟قالت:المشغل مع السواق بتروحيين؟!قلت:لا أنا بروح مع طيف وساره شوي وطلعت!!أنا دخلت البيت جلست باالصاله وطلبت من آني تجيب لي أي شي آكله فجابت عصيربرتقال مع كروسان جبن وأكلت ثم رقيت لغرفتي أذن العشاء صليت وقريت قرآن وجهين من سورة الحديد!!سمعت الجرس يرن طلبت من نظيره تفتحه وكانت طيف
دخلت وقالت يللا بنروح لمشغل سواريه باالعليا قلت:ساره ويين؟!قالت:راحت مع أمي وامها لمشغل قريب منهم هااه يللاجاهزه؟! قلت:أستني هنا بس أبي آخذ شاور على السريع جلست طيف على السرير مسكت جوالي كان مقفل مافيه بطاريه هي مادرت عن طلال حتى في السوق تشوفونها مستغربه طلعت من دورةالمياه!!شفتها جالسه!!قلت:غريبه طيف ماتكلم خااالد لا فيكم شي؟!يللاقولي وش صار؟!قالت:وجع تتفائلين علينا لاماصارشي بس تعرفين ماعندي جواال كيف أكلمه؟!قلت:كلميه من جوالي إللاصح وين جوالي؟!قالت:شوفيه هنا لقيته مقفل قلت:يوووه يمكن طلال إتصل لقاه مقفل وش بيقول؟؟البنت تصرف!!رحت لم الشاحن وشبكته فيه بس مافتحته!!وطالعت بطيف قلت:يللا!!!شفت البنت تطالع فيني مفهيه!! ضحكت قلت شوفي شكلك باالمرايا صراااحه تحفه،،،ماعلقت على كلامي وقالت:شوق!!!قلت:عيونها،،،قالت:مين طلال؟!،ضحكت وقلت:أجل أنا ماقلت لك،قالت:لا أناشفته بالسوق بس ماسألتك<<البنت نظراتها إستغراااب!!!
قلت:تذكريين يووم رحنا للمطعم مع خالي سامي؟!قالت:إيييه لااااتقولين اللي في الإشاره اللي أرسلتي لي شوفيه كان يطالع فيك وإلالا؟!قلت:إيوه عليك لمبه!!!(طيف طالعت فوق تبي تسوي نفسهاخفيفةدم بس هي من جمبها)قلت:طيف تبين تكلمين خالد!!فتحت جوالي وإتصلت على خالد قلت:هلا خالد أنا شوق،،قال:هلابك والله ودي أقول لك كل عام وأنتي بخير بس أنا حالف إن أول شخص ابقول له طيف حتى امي وأبوي ماقلت لهم أستنى إتصال منها قلت:هي عندي!!قال:وش تستنين؟!أبيها،،،ضحكت عليه وعطيته طيف قلت:الولد من جد منهبل عليك،،كلمته طيف بعد شوي جا‎(witing‎‎‎)‎من طلال بس طيف طنشت وماقالت لي عشان ماآخذ الجوال منهاالمهم قطع حوارنا أبوي وهو في الصاله يقول الساعه10وإنتم مارحتوا!!!
لبست عبايتي وتغطيت وقفلت الجوال وخليته في البيت وطلعنا أنا وطيف!!!في السياره قالت طيف:إن جاها ويتينق من طلال بس ماقلت لك!!!قلت:لييه؟الحيين بيقول تصرفني،،،،
وقفنا عند أقرب مستوصف خرمت زمام وطيف مخرمه من زمااان!!
وصلنا المشغل على الساعه١٢الشوارع زحمه مره المهم على الساعه ثلاث إللا جادورنا أنا قصيت الغره باالموس وصبغته نحاااسي وخليته على طوله وصبغت حواجبي بني غامق فطلع شكلي حلو!!وطيف استشورت شعرها على برا وصبغت حواجبها أسود فطلع شكلها حلو!!
رجعت البيت دايخه أنا دخلت جهزت لبس العيد ونمت!!!
صحيت مع صلاة العيد من يوم الأثنين!!!رحت لم دورةالميااه غسلت وجهي ورطبته ثم وضيت وصليت صلاةالفجر!!!نزلت تحت أشوف الشغالات لقيتهم في المطبخ يسوون فطور!!
رقيت لغرفتي سمعت صوت أبوي ينادي قلت له:يبه أنا البس
قال:أول ماتخلصين تعالي لم عمتك ساميه:::قلت:طيب!!!
لبست ولبسي عباره عن تنوره قصيره كسرات رصاصي غامق عليه تيشيرت أسود كم طويل ساده وخفيف فوقه جاكيت صيني كمه قصير لونه رصاصي غامق!!شعري مشطته وخليته طايح على وجهي لبست عدسات رمادي ورسمت عيوني وحطيت ماسكرا وبلاشرخفيف لونه برونزي وحطيت روج أحمر صارخ ولبست زمام كرستال يلمع وحطيت مناكير حمرا!!!
وآخرشي لبست شرابات ثم البوت الرصاصي واصل لحد ركبتي!!!تعطرت من عطري المفضل (جيفينشي)
نزلت تحت أفطرت بعد شوي دخل علي عبدالله كان لابس ثوب أسود ضيق على جسمه وشماغ أبيض حلو مرره سلم علي وقال:يللا امشي أعمامي يبون يسلمون عليك،،قمت كنت أبرقى فووق قال:ويين؟!قلت:أبي أجيب جوالي!!!قال:الجوال موطاااير،،وطلعنا دخلت المجلس سلمت على أعمامي واحد واحد،،
ثم طلعت من المجلس دخلت الصاله سلمت على مرةأبوي!!!وجلسنا نسولف!!
دخل علي أبوي قال:شوق بتروحين لبيت جدتك؟!،،قلت:إييه،،،قال:يللا
رحت لبيتي أخذت عبايتي وشنطتي وأخذت الجوال وفتحته يوووه لقيت موجووود كثيير من طلااال،،،أرسلت له مسج أهنيه بالعيد!!وركبت السياره!!!إتصل طلال!!!رديت:هلاوالله كل عام وأنتي بخير<<كلمتها على إنها بنت قدام أبوي،،،قال:هلاوالله وأنتي بخير أخيرا يا أخوي وش ها السحبه بعدين ليش مقفله جوالك وليش ماتردين؟!قلت:لحظه لحظه شوي شوي علي أولا:أنا ماقفلت جوالي قضت البطاريه وكنت مره مشغووله!!!وماشحنته:::ثانيا:يوم إني مارديت كنت في ساابع نوومه وماصحيت إللامتأخر،،،ثالثا:أنارايحه لبيت جدتي أسلم عليهم ثم من هناك بروح لإستراحة أعمامي وإذا وصلت بخير إن شاء الله أتصل عليك وبس::::قال:أهااا يللا باااي ولاتكررينهاا تراهم يزعلوون،،،
قلت:ميين؟!قال:أنا وقلبي!!
ضحكت وقلت:يللاباي!!قال:عساهادووم باي حبي!!!
وقفلت!!!
قال أبوي:ياالله صديقتك هذي ماتسكت كلامها واجد!!!
قلت وانافيني ضحكه:بالعه مسجل!!
ضحك أبوي!!قلت لأبوي بنعوومه:عسااهاا دووم مو يوووم إن شاء الله!!!
إبتسم أبوي ماعلق،،حسيت كأنه تذكر أمي وأخوااني فبلعت لساااني ولاعلقت!!!
(أبوي يحسبني ناسيتهم وأنا والله أحااول بس ماقدرت كل شي يذكرني فيهم!!!
تخيلت عيد الأضحى العاام كيف كانت السياره إزعاااج!!أمي وأبوي يسولفون ولمى وخالد يتخاااصمووون!!!وليان جالسه عندي وتسولف علي شوق هذي السياره لونها أحمل<<أحمر وأنا أقول:لاااهذا أسود!!إلين نوصل لبيت جدتي وأنا راسي مصدع!!)لفيت على أبوي لقيته يطالع فيني مستغرب قال:شوق وش فيك؟!قلت:لامافيني شي!!!!
قال:إنزلي لي ساعه موقف هنا!!!
نزلنا أبوي سلم على جدتي ودخل مجلس الرجال!!وأنا دخلت الغرفه أظبط الكحل من بعد ماسااح من الدمووع!!دخلت مجلس الحريم سلمت على كل اللي في المجلس مجلس جدتي كبيير وفخم مره لوه بني مع بيج!!
جلست عند ساره وطيف!!!وكلهم أشكالهم وااو!!!
إتصل علي أبوي وقال يللا!!
أستأذنت جدتي وخالاتي وقالوالي لازم أجي بكره في استراحتهم!!!وقلت:إن شاء الله!!!
لبست عبايتي بس ماتغطيت دخلت المطبخ ابشرب مويه دخلت أخذت لي كوب وكنت أبروح للبراده شفت ياسرواقف ويطالع فيني مانزل عيونه!!
أنامن الإرتباك طاح الكوب مني وطلعت وكانوا ساره وطيف واقفين بعييد ويطالعون فيني مستغربين!!
أنا طلعت ماكلمتهم وتغطيت وركبت السياره!!!
في السياره!!ساكتيين مافيه أحد يتكلم!!
وصلت الإستراحه:
في الإستراحه البنات ماكنهم يعرفوني!!!
أنا قعدت أمشي بروح لم دورات المياه!!!طبعا بعبايتي والبنات كانوا جالسين في الثيل على اليمين بس أنا ماطالعتهم وصلت الحمامات:نزلت عبايتي صفطتها فتحت شنطتي طلعت الروج وحطيت زيااده وتعطرت::.
طلعت من دورةالمياه طبعادورة المياه داخل غرفه صغيره يجلسون فيها الشغالاااات!!!طبعا آني ونظيره في البيت!!!
دخلت بنت عمي رهام<<في ثالث ثانوي رهيبه أخلاقها عسل أنا ماأجلس إللامعاها،،،سلمت عليها
وطلعنا الجومره بارد مع إن فيه شمس،،،طلعنا برا قعدنا نمشي إلى أن وصلنا للسجاد اللي جالسين فيه البنات اللي بأعمارنا،،،سلمت عليهم،،،
فيه وحده إسمها لمياء<<هذي بنت عمي!!المهم هذي ياإنهاكريهه مره مغروره مره أناماأحبها وهي عادي مع البنات بس أنا تكرهني ماادري ليه؟!على قولة طيف:يمكن من القهر!!!عشانك أحلى منها!!لاتستغربون منها هذاتفكيرها وماتشوف الناس شي!!!
المهم جلسنا نسولف طبعا أنا أغلب وقتي ساكته وإذا سولفت أسولف مع رهام!!لفيت يمين شفت البنات الكبارجالسين بعييد فقلت:عيب لازم أروح أسلم وأخذت رهام ورحت لمهم سلمت عليهم وحده وحده،،وهذي اللي إسمها لمياء تطالعني من فوق لتحت ومانزلت عينها إللا يوم طالعت فيها،،،،
وجلسنا تذكرت إني ماأتصلت على طلال لإني وعدته،،،المهم قمت كنت أبتصل إلا مرة أبوي تقول:تعالي سلمي على الحريم،،،يسألون عنك،،قلت:طيب،،،رحت لم الحريم وسلمت عليهم،،،
أنا ورهام كل وحده الحالها إللا لمياء وغاده جلسوا مع البنات اللي في الجامعه!!!،،ورهام تكلم ماأدري ميين؟!
إتصلت على طلال قلت:ألوووو
قال:هلاوالله بحبي هلا والله بهاالصوت هلاهلاهلا،،قلت:يانااااس إرحمووني!!وضحكت بدلع!!قال:فديت ها الضحكه ياناااس!!!
قطع كلامي صوت بنت عمي زينه إخت رهام أكبرمنها بسنتين<<هذي في الجامعه قسم طب،،قالت:شوفي بنطلب غدا من كنتاكي تبين شي؟!قلت:الحيين الساعه كم؟!قالت:وحده ونص!!!قلت:خلاص نفس وجبتك!!!قالت:خلاااص::::::
عطيتها الفلوس بعد مالزمت عليهاتآخذها،،،،
قالت:بس ها المره::::::
المهم إعتذرت من طلال لأني تأخرت عليه!!قال:لا عادي خوذي راحتك!!!
سولفنا إلين جا طلبنا وقفلت من طلااال!!
وجلست مع البنات كلنا في سجاد وااحد!!لمياء قامت قالوا البنات:على ويين؟!قالت:ماأحب أجلس مع ناس أتقرف إذا شفتهم،،قالوا:ميين؟!قالت:كل واحد يعرف نفسه!!وطالعت فيني بنظراات إستحقااار!!أنا بجنبي رهام وقلت لها:سخييفه!!!قالت رهام:تغلي من داخلها من القهر!!!بعد شوي جت لمنا أمها معصبه!!!قلت أنا:من جد حركااات أطفاال!!!جت لمي وقالت:أنتي جايه هنا بس تسببين المشاكل وإللاوش سالفتك؟!قلت:وش؟!سوييت شي أنا أصلا عشان تكلميني بها الأسلووب؟!قالوا البنات:ماسوت شي شووق؟قالت:إيييه كلكم معها ليش؟!راحمينها علشان ماعندها أم وتفزعون معها!!جت مرة أبوي وقالت:إللا أنا امها شوفي أنتي خالتي على عيني وعلى رااسي بس تغلطين على شوق لا ماأسكت!!
قلت:خليها خليها سفيهه مادام هذا إسلوبها يعني ماألوم بنتها!!!
قالت أم لمياء:شوفي هاالمره رااح أعديها بس سوي أي شي لبنتي وشوفي!!ورااحت!!رحت وراها ودخلت على لمياء والبنات وراي ورهام تمسكني تقول:خليها هي صاحبةمشاكل!!
قمت خاصمت لمياء أنا الحين سويت لك شي عشان تسويين فيني كذا بيني وبينك شي سرقت فلوسك تكلمت عنك؟!!
شوفي أقسم بالله هاالمره ابسكت بس عيديها والله ماتلومين إللا نفسك!!
إنسدت نفسي وما أكلت الوجبه!!
تذكرت امي لو إنها معي ماصار اللي صار!!!إتصلوا علي ساره وطيف يقهروني في إستراحة خوالي مره وناااسه،،،قلت وأنا معصبه ومتضايقه:رايقه لكم أنا وقفلت بوجههم،،،هم إستغربوا وإتصلوا أكثرمن مره بس مارديت،،قالوا لجدتي،،،
إتصلت علي،،قالت:شووق حبيبتي وش فيك؟!
قلت لها السالفه!!قالت:طنشيهم وأناجدتك بكره لازم تجيين عندي،،،
في الليل...مره برد..لبست جاكيت أسود جلد ومن داخل فرو شريته من صحارى وطبعا أنا جالسه مع رهام،،،ولمياء ماصارمعها شي....
لبست سكارف أحمر ولفيته على شعري نفس طريقة الإماراتيين فطلع شكلي مره واااو وصورت على جنب وأرسلته لطلال..وأتصل على طوول...قال:قمروالله قمر..ضحكت بدلع وقلت:شكرا!!!
قال:مارحتي للبيت!!قلت:إللا ابروح بس أستنى اخوي يتصل علي..قال:خلااص أول ماترجعيين أبيك بموضوع::قلتkحبيبي!!!!قال:يللا باي حبيبتي...قلت:باااي،،،،وقفلت
أول ماقفلت إتصل عبدالله يقول:شوق يللا إطلعي،،قلت:طيب،،قال:مين بيروح معك؟!قلت:بس امك،،قال:طيب بسرعه لاتتأخرووون::::::
في السياره،،
أناراكبه ورا ومرةأبوي قدام،، عمتي ساميه قالت لعبدالله سالفةلمياء
قال عبدالله:وش تبي؟!أنتي أصلاياشووق ساكته لوإني منك أخاصمها،،،قلت:أجل أنا ساكته لا خاصمتها ومن بعدها ماتكلمت من الخووف!!قال:أحسن تستاهل أكثر!!!وصلنا البيت!!دخلت شفت الشغالات كانوا نايميين!!دخلت غرفتي شغلت المكيف على الحار ولبست بيجاما صفرا ورفعت شعري وغسلت وجهي وجففته زييين!!علشان ماأمرض..المهم..أناجوعااانه مرره..إتصلت على طلال..وقلت:ألووو..قال:هلاحبي أخبارك؟!قلت:تمااام مادام إني سمعت هالصوت<<الولد صوته متغيرمرره>>قلت:طلال وش فيك؟!وش الموضوع اللي بغيتني فيه؟!قال:شووق!!!قلت:عيونهاااا،،،قال:أبووي يبيني أتزوج بنت عمي وأنا ماأبيها،،أبيك إنت أنامستحيييل أعيش من غيرك ولاراااح آخذ أحد غيرك!!!قلت:إسمع طلال إنت قلت ماأبيها هذي حياتك وأنت اللي بتعيش معها طول عمرك مو أبووك صح وإلا لا؟!إنت كلم أبوك بهدااوه ولاتعصب لأن العصبيه ماراااح بتفيدك بشي!!!
قال:طيب خليك على الخط شوفي كيف أكلم أبوي عاد إن شاء الله ألاقيه صاااحي!!!
سمعت صوت باااب إنفتح وصوته وهو يقوول:السلام يبه قال أبوه:هلا طلال وعليكم السلام!!قال طلال:يبه بخصوص موضوع بنت عمي بصراااحه أنا ماأبيها!!قال:تبي ميين؟!،قال طلال:هي كبيره وأنا وش ذنبي تزوجوني غصب!!!قال:هوموغصب بس إنت ولدعمها وأولى من الغرييب!!قال طلال:أنا ماأبيها،،قال:كيفك هذي حياتك وماابي أغصبك بعديين ندخل في مشاكل ماتنتهي!!على العمووم أنت بس فكر وأشرلي على البنت اللي تبيها وأخطبها!!قال طلال وهويبوس أبوه<أتوقع من راسه:مشكووريبه!!وطلع،،،،،
كلمني وهومستااانس قال:الحمدلله يارب!!!المهم سكت شوي!!
قال:شووق!!،،قلت:عيوونهااا،،قال:وش تسويين الحيين وش ذا الأصوات؟!!
قلت:أدورشي أبلعه،،قال:ياوييل قلبي حبيبتي جوعاانه وماأسوي شي الحييين الحييين أطلق وجبه من ماك عند بيتكم،،قلت:لالا مايحتاااج وقلت له سااالفة لمياء وأنااقاعده أحوس في المطبخ،،قال:والله مالهاا داااعي والله ماألووومها منقهره إن فيه وحده أحلى منها،،
قلت له إني ماأكلت شي لأن نفسي إنسدت::قال:ماعااش من يزعلك يااشوشو،،
قلت وانا ماسكه بإيدي كوب شاهي،،،:أخيراا مابغى يخلص،،قال:وش؟!قلت:الشاهي،،قال:شاهي!!جوعااانه وعلى طوول شاااهي مايصييير،،،وقااام يخااصمني مووزيين ومن ذاا الكلااام،،قلت:خلاااص ابآخذ شااابوره،،
قال:لاحبي كبييه الحيين،،قلت:ليييه؟!قاال:كبييه!!!أقووول!!قلت::طيب!! سمعت صوت الباب ينفتح ثم باااب السياااره بعد شوي السياااره مشتغله،،،قلت:طلاااال،،قال:عيوونه!!قلت:وش تسوي الحيين!!قال:رااايح لماك أبشتري لك وجبه ولي وجبه!!قلت:طلااال لييه مايحتاااج عاادي!!!أتحمل
قال:لايعني لا أبوطيها عند بابكم وخوذيها وإلا أبزعل!!!قلت:خلااص وأمري لله!!وش أسوي بعد؟!كل شي يهوون إلازعل الغااالي!!!
قال:وأنا وش اللي يذبحني غيركلامك الحلووو!!!!
أنا ماعلقت!!!
نزل من السياره!!!اسمعه وهويقوول جيب ماااك عربي٢ وتشيزكيك٤قلت وأنا أضحك:أولله ٤ياالظالم!!!قال:عااادي!!شوق جهزي أبحط الوجبه
عند البااب،،،قلت:يللا أستناك،،،
وصل البيت وحط الوجبه على البااب وراااح،،فتحت البااات أخذتها،،
رقيت لغرفتي،،قال:كولي يللا،،قلت:إلين توصل البيت وناكلهاسوا::::::::
نمت،،،
صحيت على الساعه١٢الظهر،،وقمت أخذت لي شاورولبست بلوفرفوشي القبعه حقته كلهافرو،،على بنطلون جينز،،وسويت شعري كيرلي ولبست طوق فوشي عريض ورسمت عيوني وحطيت روج فوشي صاارخ،،
المهم يوم قضيت،،مسكت جوالي وأرسلت لطلال رساله،،كتبت فيها،،أحبك
ثم إتصلت على أبوي،،ابستأذن منه،،علشان إستراحة خوالي،،قال لي:خلااص:::إتصل علي خالي سامي قال:هلاشوق أخبارك؟!
قلت:تمااام،،
قال:تبين أجيك؟!!قلت:ياليت!!
قال:طيب جهزي!!
إتصل علي خالد،،،
قال:هلاشوق أخبارك؟!!
قلت:تماااام!!!
قال:طيف عندك؟!
قلت:أنا الحين رايحه لمهم!!!
قال:طيب أول ماتشوفين طيف خليها تتصل علي!!!
في السياره!!
أنا وخالي سامي نسولف هومعه جوالي يشوف المقاطع ثم جتني رسااله هوتلقف وفتحها!!كانت من طلااال،،مكتوب وأنا أمووت فيك ياحبي،،
قال خالي:ماتوقعتك كذاياشوق::::::
بس نصيحه مني لاتصدقيين!!!
ترى اللي مثلهم كذابيين!!!
أناساكته!!!عطاني الجوااال وسكت!!!
في الإسترااحه!!!
أول مادخلت إللا البنات جايين لمي!!عكس بنات عمي!!
قالت طيف وهي تبوسني:هلا والله بشووق إشتقت لك!!!
قلت وأناأغمزلها:يااشيين المصالح خوذي الجوال خلود تبيك<<عشان البناات!!!
نزلت عبايتي أخذتها وحده من البنااات إسمها أميره<<ياحبني لها تجنن!!!هي بنت عم ساره في ثالث ثانوي علمي!!تحبني وأنا أمووت عليها!!
وإحنا جالسيين باالزرع طبعا طيف تكلم خاالد وتمشي وأنا وساره نعلق عليها وإهي تقول طيب بس أقفل!!!
فكاان يوم مرره حلوو!!
إتفقنا أناوساره وطيف إنا ننام في بيت جدتي!!
أنا إتصلت على أبوي وقلت له!!قال خلااص بس شوفي الخميس ترجعيين لأن الدراسه السبت!!وعلشان تقضين للبيت!!قلت:طيب:::::
المهم وصلني خاالي تركي لبيتي آخذأغرااضي ومن ثم رحت لم بيت جدتي::::::
وسهرنا إلييين الصبااح ونمنا نوومه!!!طبعا ماإتصلت على طلال،،،لإن كل واحدفينا مشغوول،،،
صحووني السااعه١٢الظهروعجزت أقوم وكنت مرره تعباانه..حرارتي مرتفعه وزكاام..وحالتي حاله..خالتي نوره..تقول:شووق يللاقومي ماصاار نوووم::::
يوم قلت:خااله أناتعبانه:::قالت:شووق وش فيك؟!!قلت:ماأدري أحس بحرااره وحلقي يعورني.....
جت جدتي وعطوني من هاالأدويه...ونمت نووومه..
طبعا جوالي سايلنت وصحيت المغرب..
لقيت أكثرمن٣٠مكالمات لم يردعليها من طلال وأبوي وعبدالله...
أتصلت على أبوي وقاال:وش فيك؟!قلت:تعباااانه!!قال:جهزي أبوديك المستشفى!!!أرسلت مسج لطلال كتبت فيه:طلال أنا تعباانه ماأقدرأكلمك:::::
أرسل مسج:طيب بس اتطمن عليك وأوعدك ماأطول::::
ماأمدااني أقرا المسج إللاهو متصل علي:::::
قال:ألوووهلاشووق سلاماات ياقلبي ماتشووفين شر!!!
قلت:الشرمايجيك اناماأقدرأتكلم كثيير!!!قال:أهم شي تطمنت عليك..بااي حبي...
بعدشوي دخلوا علي طيف وساره...
وجلسواعندي إليين جا أبوي...
رحت للمستشفى وعطوني إبره ومسكناات...ونمت صحيت السااعه١٢الظهريوم الخميس...فتحت جواالي شفت مسج من ساره..كان ودي أجي لمك اليوم أناوطيف...بس قهر أبوي جا الصباح وقال جهزوا بنسافر وأنتي تعرفين أبوي عصبي ماأحد يقدريمنعه..وطيف رجعت لبيتهم من الطفش وإحنا الحيين في السياااره...
أرسلت لها::يووووه قهرر يللا خيرها في غيرهااا...
نزلت في الصااله البيت فاضي والشغالاات في المطبخ يسولفون....
مدري في هااللحظه حسيت بشعووورغريييب...جلست أصيح وأبكي!!في هااللحظه بكيت من الطفش وبكيت على جدي وبكيت على أمي وبكيت على لمى وبكيت على خالد وبكيت على ليااان بكيت على كل شي بكيت على نفسي ليييه ما أمووت؟!!
أبي أرتاااح من التفكييير!!!
كل شي يذكرني فيهم كل ركن في البيت يذكرني فيهم كل شي كل شي!!!!
آآآآه يمه محتااااجه أضمك محتااجه أطلع اللي في قلبي!!!!
إتصل علي طلااال كل ماأتصل علي أعطيه بزي
ماأبي أكلمه وأنا أبكي
المهم رديت!!
قال:هلاشووق مشغووله؟!
قلت:لااا
قال:حبي وش فيك؟!
جلست أبكي والجوال بيدي
ثم قفلت بوجهه!!!
إتصل رديت:ألووو
قال:شوق وش فيك؟!تكفيين لاتبكيين ترى أبكي!!!شووق ردي وش فيك ساكته؟!
ثم كمل وهو يبكي إدعيلهم البكامايفييد!!!
أناساااكته مارديت
قال:أنا أبقفل الحيين وإذاهديتي إتصلي علي:::
قلت:طلااااال!!!
قال:آآمري،،،قلت:أناااخااايفه،،،
قال:من أيش؟!!قلت:أخاااف ترووح مني،،،أخاف غيري ياخذونك مني،،،
قال:شووق،،أناغيرك مارااح أحب،،ولارااح أتزوج غيرك،،وماراح ياخذك مني إللا المووت بعدعمرطوييل،،،
شيلي هاالتفكييرمن راااسك،،ترى من جدتزعليني إذاهذاتفكيرك!!!
وسكت!!
ثم قال:باي حبي إذا إرتحتي إتصلي علي!!طيب؟!!
قلت:طيب!!!
جا عبدالله وكان لابس ثوب بيج قماشه يلمع فوقه جاكيت بيج طرف كمه بني وطربوش بني شكله حلوو المهم شاف عيووني حمرااا قال:شوق طفشاانه؟!تبيني أطلعك؟!
قلت ودموعي تنزل ماأدري ليه:ياليييييييت!!!!
قال:يللا إلبسي عبايتك!!!
جلس في الصاااله!!
أنا رقيت فوق غسلت وجهي لبست برمودابيضا على هاينيك بنفسجي!!ربطت شعري ذيل حصان وسويت بوف صغيرمن قدام حطيت كحل وماسكرا
أخذت عبايتي ونزلت تحت!! قلت لعبدالله:يللا::::طلعنا أنا تلثمت!!وركبنا السياره!!!
(عبدالله يحب طيف بس طيف لا)!!!
قال عبدالله:وش أخبارطيف؟!
قلت:تسلم عليك!!
قال:صدق؟!
قلت:هيه هيه لاتصدق أمزح!!!
عبدالله سكت وشكله سرحااان
قلت:اللي مآخذ عقلك يتهنا به!!!قال:والله أحبها بس هي ليه كذا!!
ثم كمل:شوق أنا ناقصني شي إنسان والحمدلله عندي فلوس مثقف دكتوور حلو طيب ليه ماتحبني؟!
قلت:مو ناقصك شي بس القلب ومايهوى!!!
سكتنا فتره!!!
قال:تقضيتي للبيت؟!
قلت:لا،،قال:نروح لكارفور!!
قلت:إييه!!
في كارفور!!
ماخليت شي إللاوشريته!!
أنامعي عربه وعبدالله معه عربه اللي مع عبدالله مليااانه واللي معي فيها شوي
كنا نمشي في قسم الحلويااات قال عبدالله وهويضحك:شوق شافت الحلوياات ماأتوقع إنها بتخلص بعدين أنتي ماانتي ناقصه سمنه
قلت:حرااام علييك والله إني نحيفه!!!
طنشته ولفيت!!!
في نهاية الممر شفت طلال معه أمه ورواان!!
شكله يجنن!كان لابس ثوب أسود وشماغ أبيض مرره حلوو!!وروان لابسه عبايه على الكتف ومتلثمه عيونها مره خقااقيه!!
روان شكلها إنهبلت على عبدالله حتى عبدالله من نظرااته فهمت!!
أما أنا فلاتعلييق!!
طلال عرف إني موجوده وطول الوقت ورانا!!!
طلال شال كرتون زيت كبيير وطاح منه وجا عبدالله،،شاله معاه وقال طلال:شكرا أخوي قال عبدالله:لاعادي ماسويت شي،،قال طلال وهويصافح عبدالله:أنا طلال ال_____،،قال عبدالله:وأنا عبدالله ال____،، قال طلال:تشرفنا
وأخذوأرقام بعض،،،
إستغربت من حركة طلال هذي!!وروان طول الوقت تطالعني كأنهابتقول شي،،بس متردده،،
طلعنا من كارفور،،
ومن الصدفه بعد إن سيارةطلال جنب سيارةعبدالله
أنا ركبت قداام،،وعبدالله راح يرتب الأغراااض،،وطلال يرتب أغراضهم،،،
وصلت البيت على الساعه٩ الليل،،
شفت أبوي وعمتي ساميه توهم راجعيين!!!
دخلت البيت قلت لآني ونظيره!!يشيلون الأغراض ويرتبونها!!مراااحب!!حبيت إني قبل ماأكسرشريحتي أقول كل اللي بخاطري!!أناياطلال وربي حبيتك بس من جد إنت صدمتني تدور أتفه سبب عشان تزعل مني بس مادام إن هذي رغبتك فلازم أحققها بس تأكد إنك ماراح تلقى أحد حبك كثرحبي أنا!!!وإن شاء الله تلقى البنت اللي تسعدك!!بس نصيحه ترى في هذا الطريق عمره ماراح تنجح العلاقات!!وأنا أخذت درس وماأعتبرهاغلطه لأني تعرفت عليك!!باالأخير أبي منك طلب واحد إنك تمسح رقم جوالي ولاتنسى في يوم إن شوق سلمت لك قل

شكرا على مرررررورررك يا توتى

[ندعوك للتسجيل في المنتدى أو التعريف بنفسك لمعاينة هذه الصورة]

شيدر مودل لو سمحت....؟!

__________________
[ندعوك للتسجيل في المنتدى أو التعريف بنفسك لمعاينة هذه الصورة]

شكرا على مرورك يا سباخى